Inovacion den avisonan y aumenta atencion den Off y Online.

Inovacion den avisonan y aumenta atencion den Off y Online.

Scirbi pa Steve Francees

Te ainda ta mira avisonan cu ta wordo desiña cu masha hopi palabra mes, dus ainda tin hende cu ta kere cu nan lo por persuade un prospecto pa bira un cliente door di scirbi jen di palabra den nan avisonan. Wel e  mundo ey a pasa caba y awor nos tur ta visual, dus nos ta bai bek den pictograf, dus cu señalnan cu lo papia 1000 palabra den un solo imagen.

Imagen lo sigui crece den e generacionan cu lo sigui bini y letra ta perdiendo su balor ya pa basta tempo caba. Kisas bo ta pensa awor cu mi ta exagera!!!

Wel, un imagen ta wordo capta 60.000 biaha mas rapido cu un text, y dicon gasta tempo den text? Esey no ta funciona y loke bo mester hasi ta usa mas imagen cu ta posibel, y no imagen complica pero lo mas simpel posibel cu por duna e mensahe cu bo kier expresa. Social media ta jen di Emoji cu ta icononan emocional cu nos tur ta usa diariamente. Dus dicon no usa mas imagen den bo avisonan off y online.

Un imagen por ta hopi poderoso y ami mes ta hopi riba Instagram, wel hopi mas cu Facebook, y ta saca hopi potretnan cu segun ami ta expresa loke mi kier mustra y laga esun cu a mira e imagen sinti tambe loke mi a sinti na e sitio unda mi a saca e potret. Dus pa e siman aki, simplifica bo avisonan den mas imagen y simplifica tur loke bo kier expresa y sigur lo bo mira un aumento di atencion pa bo avisonan.

*Next Post lo ta con incorpora CTA cu ta Call to action, Off y Online, den bo aviso y cual palabranan por usa pa esey!

Pa reaccion please contact mi via Instagram.

www.instagram.com/stevefrancees / (297) 7380777 Whatsapp.

😐👊👎💥😎😍💦😇😡😩😬💪🙏🙎😢😄😄😄

7 ingrediente pa tur startup bira EXITOSO

7 ingrediente pa tur startup bira EXITOSO

Scirbi pa Steve Francees, Business Strategist / Business Blogger 

Hopi biaha ta pone hopi enfasis riba e placa pa inverti den e negoshi y hopi ta kere cu esaki pa esun mas importante. Tin masha negoshi actualmente hopi exitoso cu no ta cuminsa cu un capital grandi pero a kere den e siguiente pasonan aki.

Plania: Ta asina importante pa sinta plania aunke ta riba un papel kico bo kier logra cu bo idea y pone bo idea riba papel. Awor tur banco y investors ta exigi un Business Plan ta pa check con e negoshi ta hinca den otro y con lo e sostene su mes y gana placa. Cual lo ta e gastonan mensual/fixed costs y cuanto lo mester genera pa paga gastonan y crea ganashi.

Plania no ta perde tempo pero ta gana hopi tempo cu ta placa tambe despues. Akinan mester busca hopi informacionan cu ta relata cu bo idea di negoshi. Tuma les di Business Plan tambe ta hopi bon pa haya un idea con esaki mester wordo hinca den otro. Dus plania y plania pero no laga hopi tenpo pasa sin pone bo idea den accion.

Traha duro: Tin cu ta cuminsa nan negoshi pensando cu lo nan tin mas tempo liber y esaki no ta corecto. E prome 3 añanan lo bo mester sacrifica bastante actividadnan pa asina por hinca mas tempo y placa den bo negoshi. Hopi ta mira otro empresarionan cu tin tempo pa hasi hopi mas cos y ta pensa cu semper esaki tabata asina, sin nan mira e añanan cu nan a sacrifica pa jega te  a unda nan ta awor. Mester inverti trabou duro den bo startup y no tin otro opcion dus bira bon amigo di trabou duro.

Auto-estima: Esaki ta sumamente esencial pa exito, si bo ta kere den bo mes, lo bo logra y no mester wordo motiva door di otronan pa hasi algo pero bo mes ta sinti bo mes motiva y asta prepara pa hasi algo. Auto-Estima lo gana inteligencia si nan competi cu otro. Siman pasa mi a mira un potret di un mucha homber y mi no conoce, pero djis mira e potret mi a bisa mi casa cu e mucha aki lo jega hopi lew den bida door di su “houding” /“postura” y ta mustra cu e ta kere den su mes y ta un mucha di rond 12 aña.  Si algo cu tur mayor mester hinca den e muchanan ta auto-estima. Wel wel, pero auto-estima bo por educa bo mes den dje y bira bon den dje. Dus bo por siña bo mes di hisa bo auto-estima y cuminsa kerre mas den bo mes.

Hendenan positivo pero cu vision: Rondonan bo mes cu hendenan cu vision, check ken ta rond di bo y revisa ken ta rond di bo. Cambia di grupo di amigonan si nan no ta riba e mesun ruta cu abo kier bai. Mi no ta bisa pa no trata nan mas pero si loke bo kier logra, no ta nan meta, lo nan strobabo di jega bo meta. Busca hendenan nobo den bo bida cu alogra caba y bira amigo di nan y siña di nan.

Empatia: E palabra aki no ta hopi usa pero ta nifica, mira e bon den hende y tin compacion pa juda otronan den necesidad. Saca tempo pa juda un otro logra su meta, kisas un sobrina cu kier caba su scol pero ta den un momenti difisil, abo saca tempo pa jude. Busca hendenan cu echt ta den necesidad y judanan, por ta famia of tambe hendenan echt cu ta den necesidad sea cu cuminda, paña etc. y please ora bo juda hende no mester publica riba FB, hasi’a di curason y no pa hende mira!!!.

Tin fe y kere: Ami ta creyente dus ta kere den Dios y Fe ta e base di creencia, ami nunca a mira Dios pero ta kere den Dje. Fe ta kere den loke bo no ta mira y esaki ta relata cu henter e structura di bo metanan di empresa. Si bo ta kere den loke bo kier, no mester pa otronan kere, no, si nan no kere no ta problema pero abo si kere den bo plan y no laga ningun hende kita e fe di kere den loke bo ta kere den dje y fe lo lagabo logra esey y move hopi montañanan.

Mentor: Pa ultimo, bo mester di un mentor, tur ekipo cu alogra gana mundial tabatin un coach cu ajudanan y no kier cualkier mentor, no pasobra su business card ta bisa coach, ta nifica cu e ta esun cu bo mester. Check kico e mes a logra y si tin base suficiente pa ta bo mentor. Si bo no por haya un tambe por paga pa un experto. Un mentor lo judabo spaar masha placa,tempo y energia door di no hasi foutnan. Ami ta kere den educacion y experencia, tur dos ta juda un persona crece y si bo mester di bon conseho, esun cu tin tur dos lo judabo hopi bon.

Hopi exito cu bo startup!

Blessings Steve Francees, Business Strategist

(297) 7380777 stevefrancees@hotmail.com

www.stevefrancees.bogspot.com

E mehor negoshi pa comienso di 2017

E mehor negoshi pa comienso di 2017

Scirbi pa Steve Francees

Awor cu saco di plastic a bira contra ley, otro alternativa ta lanta pa esunan cu kier genera mas entrada. E asunto di saco di plastic ta nobo pa Aruba pero na Bonaire esaki a sosode segun mi mas cu 10 aña pasa.

Awor a aparece un oportunidad commercial  y tin un saco cu bo por cumpra den supermercado cu ta costa entre 2,75 pa 3,50. Pero tambe tin e oportunidad pa bo mes crea un negoshi di esaki!.

E negosha ta bende saconan cu logo di companianan riba dje y bo mes por order esakinan y gana un margin bon cu sigur lo genera entrada!

Analisis:

Si hasi un analisis di e potencial, nos por conclui lo siguiente!

Aruba tin como 43.000 cas y cada cas mester di minimo 3 saca grandi y kisas 2 mas chikito (Esaki ta wordo bendi awor den supermercado)

Aruba ainda no tin esun grandi cu ta esun supersize.

Tambe ainda Aruba no a conoce esun mes cu tin wiel, esaki ta manera un saco pero tin wiel cu ta masha handig vooral pa personanan cu no por carga saconan pisa!

Dus tin 3 opcion:

A: Saconan chikito-mediano (2,75 – 3,50 pa un) y cost ta cuminsa na $0,20 pa cada un!

Market-Potential: (3 pa cada cas)  Awg. 387.000,-

B: Saconan grandi (fullsize) material mas duro y lo costa rond (3,75 – 6,00) y cost ta cuminsa na $0,40 pa cada un! (15%)

Market-Potential: (2 pa cada cas)  Awg. 430.000,-

C: Saconan riba wiel cu lo costa sigur 50,- pa ariba (te cu 175,- )depende di e material y opcionan cu tin. E nomber ta “Folding Shopping Cart Trolley Bag with Wheels”

Si cada cas mester di 1 trolley-bag lo mester ta ongeveer, 80 florin pa un cu lo tin un potencial di Awg. 3.440.000 ( tres miyon di potencial)

Si conta A,B y C tin un potencial di benta di Awg. 4.257,000,- ( 4 miyon florin)

Cost ta entre 15% pa trahanan!! Dus mester tin un margen di min 70% landed aki na Aruba, kitando trasporte, impuesto y handling fee! (ongeveer 3 miyon di ganashi general pa 2017)

Esaki ta duna un bista di e market-potential cu lo tin den e Mercado pa 2017. Sigur esun cu hasi un bon planning y bende mas lo saca e mayor probecho commercial di e situacon aki.

Dos manera pa bendenan:

A: Bo mes laga trahanan  y bende na  Supermercado y direct na consumidor

B: Aserca companianan y bendenan cla caba cu logo riba e tasnan cu nan logo pa propaganda pa nan mesun negoshi!

*Bai Alibaba y eynan bo ta haya tur loke bo mester loke ta China/Asia y tin masha hopi compania cu ta traha tur tipo di saconan!

Mi a haya varios links cu suppliers y bo tambe por hasi esaki!

Hopi exito na esun cu ta interesa di hasi un negsohi di esaki!

Steve (Business Blogger)

Aki algun links! ( Ami no ta keda responsabel si algo bai robes den transaction, ami a haya nan door di search! Mi tin mas pero pa seguridad mi ta pone djis dos pa asina bo mes por sigui busca).

2016 Best Selling High Quality Non-Woven Shopping Bag

FOB Reference Price：

US $0.22 - 0.49 / Piece | 500 Piece/Pieces non-woven bag (Min. Order)

 

https://www.amazon.com/Folding-Shopping-Cart-Trolley-Wheels/dp/B0047VEJ46

https://rfq.alibaba.com/rfq/detail.htm?spm=a2700.8152334.2025766.28.WooObp&productId=30007159828&tracelog%EF%BC%9Dark_list_title

Dicon ideanan di Startups por faya y con evita esaki.

Dicon ideanan di Startups por faya y con evita esaki.

Scirbi pa Steve Francees

Bo sa cu tur dia, tur hende ta haña un bon idea y ta kere cu esey ta e mihor di mundo y e pret ta cu ora abo haña un bon idea, ta 10 mas den mesun Mercado cu bo ta,ta haña e mesun idea, dus bo no ta bo so, ni maske con bon e idea ta.

Loke ta bai hasi e diferencia ta, cu ta ken lo bai executa e idea ey y lage bira realidad.

Ta pasa hopi cu bo a pensa algo y despues di algun luna bo ta mira cu un otro a bai hasi bo mesun idea, ta parse cu nan a lesa bo pensamento y a haña sa di bo idea!!!

Anyway, ban check kico ta e problema!

Tin dos base pa un bon idea pa  startups!!

A: Un idea cu bo tin pa e Mercado

B: Un problema den e Mercado cu abo por tin e solucion

Mayoria persona ta bin cu punto A, dus nan tin un idea cu segun nan ta kera cu lo ta un bon negoshi.

Pero esun di dos ta diferente, esaki ta cuminsa prome den un buskeda habri, dus hasi un research habri pa busca tur e problemanan no satisfice den e Mercado y abo por hasi un reseach y si e mesun problema ta keda bini ariba, y si abo tin e solucion, esey lo ta un bon idea pa startups.

Mayoria startups cu ta faya ta sali mas di punto A y no B!!!

Un ehempel clasico: Ban pone cu tia ta bon den traha pastechi na cas, tur sobrinonan y famianan ta bai ora e ta traha pastechi pasobra e ta bon den esey. Pa caba biaha e ta traha 25 pastechi pa su famia y nan ta bai masha lihe, vooral ora tio Mario jega, pasobra e so ta come 3.

Wel,  e storia ta sigui cu un di e sobrinonan a haña e bon idea di cuminsa comercialisa tia su pastechinan. Nan ta papia cu e tia cu nan kier cuminsa bende pastechi pa hasi algo di famia y tabata un bon idea segun e sobrinonan.

Nan a didisi di bende pastechi mainta na cas di Tia, door cu tio Jopi ta traha security anochi y mainta e ta na cas dus nan kier pa tio Jopi para den un kiosko cu nan a traha cu ta habri pa caya den cura di Tia.

E cas di Tia ta keda no riba un caminda principal dus mester pone un borchi pafo riba caya principal.  Den e prome dia nan a bende 18 pastechi, di unda 16 awordo cumpra pa e propio sobrinonan cu a pasa cumpra prome cu bai trabou y tambe ya Juan a tuma 3 riba credit y lo paga pa fin di luna.

Despues di 5 dia ya e sobrinonan no por bin te serca tia pa cumpra y door di e borchi pafo nan a bende 5 pastechi cu e trahadornan den construccion na cas di e bisiña. Despues di 8 dia ya tio Jopi ta cansa di traha bende pastechi door cu e tin soño door cu a traha overtime e dia prome.

No tin ningun hende pa para bende pastechi y tia mes tambe tin cos pa bai paga dus no por keda cas y a disidi di sera e dia ey. Despues di 10 dia tur cos a caba na “aroz con coco”.

Otro ehempel: Maria ta core autobus y ta hopi interesa den lanta algo pa su mes y a disidi di tuma un les di empresa di Business Plan. Su idea tabata pa lanta un boutique di paña pero durante di e les e la haña sa cu e mester hasi un research pa check cual ta e problemanan den e Mercado y tambe si e tin e solucion. Segun Maria ta hasiendo su research a haña sa cu toch tin un segment den e Mercado cu gusta come pastechi pero nan ta willing pa cumpre frozen y na cas nan mes mainta ta hase den panchi pa asina nan bai trabou cu ne. Dus nan no por traha e pastechi pero si ta willing pa hase mainta den panchi pa bai scol of trabou.

Maria ta aserca su tia cu e posibilidad pa traha pastechi no hasa y cuanto esaki lo costa na cost (Food-cost).  Maria, tambe a pasa na 28 supermercado y 12 a bisa cu nan ta dispuesto pa bende e pastechinan frozen y 3 Supermercado a trate masha malo mes!!!. Despues di evalua, puntra aki y aya, scirbi y analisa tur e gastonan, Maria a mira cu tin un manera cu e por genera placa y tambe asina juda su tia na cas. Maria ta papia di e otro sobrina pa jude traha e pastechinan tur diasabra atardi na cas di tia. Maria ta inverti den freezer y alogra pa page den 12 luna sin interes y un cumpracash un mesa grandi, cumpra un KitchenAid grandi y tur cosnan di cushina cu mester y tambe saconan grandi di hariña, tambe a order saconan di plastic cu nan zip cu e logo di “Tia Pastechi” riba dje. NA final a cumpra tur loke mester pa traha pastechi. Maria a bai habri un negoshi na KvK y a cuminsa entrega na e 12 supermercadonan cu lo bende nan. Door cu Maria ta constant riba caya, e entrega di pastechi no ta nada di molester. Despues di 6 dia e prome supermercado a jama pa pidi mas y den 10 dia tur e otronan mester a bai pa entrega. Pa 8 luna  Maria e keda traha tur diasabra y awor tambe diamars atradi y diahuebs tambe door cu e demanda a bira mas tanto. E negoshi a cuminsa genera y nan por a drecha e cushina y tambe cumpra otro tiponan saconan di plastic cla pa pone den microwave.

Asina e historia a sigui y awor Maria a huur su bus na Andres y awor a dedica su mes completamente na “Tia Pastechi”

Wel wel, dos storia cu e mesun producto, pero tur dos a cuminsa diferente.

Busca loke ta e problema den e Mercado y esey ta prome paso pa exito!

Un dia cu exito y hopi productive,

Blessings Steve

Stevefrancees@hotmail.com (297) 7380777 www.stevefrancees.blogspot.com